Прогласен новиот Најсекси маж на светот, реакциите не стивнуваат: „Згоден е, но најсекси? Нема шанси“

Ноа Вајл беше прогласен за Најсекси маж на светот за 2026 година од списанието People, но изборот наиде на поделени коментари.

55-годишниот актер, кој се прослави со улогата на доктор Џон Картер во легендарната серија „ER“, а денес ја освојува публиката со „The Pitt“, ја доби престижната титула и се најде на насловната страница на списанието.

И додека неговите обожаватели го поздравуваат признанието, дел од читателите на People не го кријат разочарувањето. Под објавеното интервју се редат критики, саркастични забелешки, но и коментари во негова одбрана.

„Тој беше единствениот кандидат?“ - прашува една читателка.

„Згоден е, апсолутно. Но, најсекси маж на светот? Нема шанси“ - гласи друг коментар.

„СЕРИОЗНО??? Човекот кој пред малку го видов како асфалтира патека во мојата улица го засенува!“ - напишала друга читателка.

„Не. Воопшто не е секси. Разочарување“.

„Изгледа како сосема обичен повозрасен господин“ - стои во една од реакциите.

Некои пак сметаат дека титулата повеќе би му прилегала на друг актер.

„Пирс Броснан. Нема потреба од второ мислење“ - напишала една читателка.

Сепак, не отсуствуваат ни позитивни реакции, особено од жените кои го паметат Вајл од неговите почетоци во „ER“.

„Зборувај во свое име! Јас сум повозрасна и заљубена сум во Ноа Вајл уште од времето на ‘ER’! Многу убаво старее!“ - одговорила една обожавателка на критиките.

„Отсекогаш мислев дека Ноа е секси, уште од времето на ‘ER’. Мило ми е што конечно ја доби титулата“.

„Прекрасна и скромна личност! Благодарам, People!“ - гласи друга реакција.

Интересно е што и самиот актер бил изненаден кога дознал дека ќе биде прогласен за Најсекси маж на светот.

„Мислев дека е некаква шега. Ни за милион години не би помислил дека ќе ми биде доделена ваква чест“ - признал тој во интервјуто.

Неговата сопруга Сара била воодушевена од изборот и го уверила дека ја заслужува титулата.

Интересни биле и реакциите на неговите постари деца, 24-годишниот Овен и 21-годишната Оден, од претходниот брак со Трејси Ворбин.

Синот му рекол дека титулата веројатно ќе му го отежни животот бидејќи ќе привлече и негативни коментари додека постарата ќерка не можела да поверува и, како што претпоставува актерот, ќе го задева за тоа во следните 50 години.

Вајл открил и дека далеку од камерите ужива во едноставниот семеен живот, подготвува појадок за сопругата и ќерката и со задоволство ги мие садовите.

„Мијалникот е моја територија. Би им препорачал на повеќе мажи да започнат да мијат садови, бидејќи тоа навистина делува терапевтски“ - изјавил тој.