Како модерна Круела де Вил: Ким Кардашијан во провокативен точкест фустан позираше со далматинци во Рим

Ким Кардашијан привлече внимание во Рим со провокативен моден избор. За нејзината фотосесија да биде уште повпечатлива, позираше со два далматинци на тераса со панорамски поглед, потсетувајќи на модерна верзија на Круела де Вил од „101 далматинец“.

45-годишната ријалити ѕвезда престојува во италијанската метропола по повод промоцијата на серијата „All’s Fair“, во која ја има една од главните улоги.

За промотивниот настан, таа избра бел фустан со црни точки од новата венчална колекција на Галија Лахав. Впечатливата креација се состои од корсет без прерамки, со смели изрези на колковите украсени со тантела и долго здолниште со шлеп.

Зад стајлингот стои Ло Роуч, кој долги години соработува со Зендаја.

„Spotted in Rome“ (Забележана во Рим), напиша таа покрај фотографиите, правејќи игра на зборови со англискиот збор spotted, кој може да значи и „точкест“.

Нејзе ѝ се придружија и колешките од серијата Сара Полсон, Ниси Неш и Наоми Вотс.