Продадоа сè за да патуваат низ светот, нивното 3-годишно дете досега има посетено 16 земји

Авантуристички пар е на мисија да го истражи светот и непрекинато патува на атрактивни дестинации.

Лорен и Рој го продале нивниот дом и сè што поседувале во 2015 година и започнале да живеат живот за кој многумина можат само да сонуваат. Оттогаш до денес имаат посетено 26 земји и имаат добиено две деца, синчињата Роман и Ленон.

До третиот роденден, Роман со родителите имал посетено 16 земји. Честопати, малото момче застанува зад камерата и фотографира за да покаже како изгледаат патувањата од перспектива на 3-годишник.

„Сите мислеа дека сме луди, но ние знаме дека тоа беше правилната одлука. Знаеме дека патувањето со бебе ќе ни го промени стилот на патување, но подготвени сме за предизвикот. Роман веднаш се вклопи и ја започна својата прва авантура на возраст од 10 недели“ – пишува Лорен.

„Не престанувајте да го правите она што ве усреќува“ – додава таа.

Роман има патувано низ држави како Тајланд, Грција, Австралија, Палестина и Италија.