Принцезата од Дубаи побара развод на Instagram една година по свадбата, сопругот бил „зафатен со други придружнички“

Принцезата од Дубаи е во центарот на вниманието на светските медиуми поради начинот на кој побара развод од својот сопруг.

Шеиха Махра Бинт Мохамед Бин Рашид Ал Мактум преку објава на Instagram објави дека се разведува од Мана Ал Мактум, кој бил „премногу зафатен со други придружнички“.

„Драг мажу. Додека си зафатен со други придружнички, јас го објавувам нашиот развод. Се разведувам од тебе, се разведувам од тебе и се разведувам од тебе. Чувај се! Твојата поранешна сопруга“ – напиша таа.

Поранешниот пар стапи во брак во мај минатата година, а прослави со луксузна свадба. Пет месеци подоцна, со фотографија од ултразвук објавија дека го очекуваат првото дете.

„Само ние тројца“ – напиша тогаш Махра, додека на неодамнешна фотографија таа позира со 2-месечната ќеркичка и пишува „Само ние две“.

Претходно, тие заемно престанале да се следат еден со друг на социјалните мрежи и ги отстраниле заедничките фотографии.

Махра е ќерка на 75-годишниот владетел на Дубаи.