Принцезата Кетрин и принцот Вилијам насмеани и заљубени на специјално патување за 14-годишнината од бракот

Поминаа 14 години откако принцезата Кетрин и принцот Вилијам ја крунисаа нивната врска со брак.

Британскиот кралски пар се заколна на вечна љубов на 29 април 2011 година, а вчера ја одбележа 14-годишнината од тој специјален ден со патување на островот Мал во Шкотска.

43-годишната принцеза и 42-годишниот принц изгледаа заљубено и среќно додека поминуваа покрај насобраните локални жители. Кетрин шармираше во модна комбинација која вклучуваше блејзер од твид од Holland Cooper, кафеави панталони, кошула и чизми.

На островот, парот е сместен во изолирана куќарка за двајца.

Милиони луѓе низ целиот свет ја гледаа „свадбата на векот“ на Кетрин и Вилијам во Вестминистерската Опатија во 2011 година. На неа присуствуваа 1.900 политичари, пејачи, бизнисмени и се разбира, членови на кралското семејство.

Познатиот кралски пар има три деца.