Сингл маж решил да ја изненади својата сакана сестра за 28-от роденден, пресоздавајќи 28 нејзини фотографии. За фотографиите каде сестра му позира со своите две деца, тој како „замена“ ја користи мачката миленик.
Горди Јетс никогаш не обрнувал големо внимание на родендените на своите најблиски. За разлика од него, сестра му Мередит секој роденден го изненадувала со мал подарок. „Секоја година таа ми подарува нешто кул како маица, хумористична книга, нешто од кое сака да се ослободи, но избира да ми го подари мене“ – се шегува Горди на својот блог.
Оваа година креативниот брат решил да се поправи и од срце да ѝ подготви на Мередит роденденско изненадување кое никогаш нема да го заборави. Јетс пресоздаде 28 фотографии на Мередит, хумористично заменувајќи ги неговите внук и внука со својата мачка.
„И едните и другите сакаат да јадат и да лазат на подот, и едните и другите сакаат да ме касаат, и едните и другите се многу мали, и едните и другите се тешки за контролирање и јас не можам да ги родам ниту едните ниту другите“ – рекол Јетс.
Погледнете дел од неговите фотографии:
