Во секој дом, вкусната храна го обединува семејството - затоа битна е нутритивната вредност на тоа што се сервира на семејната трпеза. Новото протеинско сирење President Salakis Traditional е токму таков производ, создаден да го поддржи здравјето на сите генерации – од најмалите до најстарите.
Поддршка за раст, развој и активен живот
Со 21 g протеин на 100 g, ова сирење е одличен извор на протеини за:
- Децата во раст – неопходни за развој на мускули и коски (благодарение на протеините и калциумот) (EFSA Journal, 2012)
- Младите и возрасни – протеините го зголемуваат термичкиот ефект на храната (енергија потрошена за варење), со што го стимулираат метаболизмот (Leidy H.J. et al, 2015). Воедно, Внесот на протеин помага во задржување на мускулна маса за време на енергетски дефицит, што одржува повисок базален метаболизам Paddon-Jones D., 2008).
- Постарите лица – амино киселините се важни за одржување мускулна маса, односно го намалуваат ризикот од саркопенија (Leidy et al, 2007)
Балансиран внес на масти и сол
Со 75% помалку масти од класичните сирења и намалена содржина на сол, ова сирење е добар избор за семејства кои сакаат да го намалат ризикот од хронични заболувања. Намалениот внес на масти и сол придонесува за здраво срце и нормален крвен притисок, потврдено со бројни студии (Sacks F.M. et al, 1999). Во студија на Appel et al. (2011) се тврди дека исхрана богата со овошје, зеленчук и нискомасни млечни продукти, односно со намален вкупен внес на заситени масти, довела до пад на систолниот крвен притисок за 5.5 mmHg и дијастолниот за 3.0 mmHg во групата што се испитувала. Меѓу лицата со хипертензија, падот бил дури за 11.4/5.5 mmHg.
Погодно за лица со лактозна нетолеранција
Како безлактозен производ, President Salakis Traditional е погоден за лица кои имаат дигестивна чувствителност на лактоза, што овозможува сите членови на семејството да уживаат без непријатности(Suchy et al., 2010).
Производите третирани со лактаза (без лактоза), како што е новото протеинско сирење на President Salakis Traditional, генерално се подобно поднесени и значително ја намалуваат појавата на дигестивни симптоми, вклучувајќи надразнителни грчеви и подуеност (Sharp E. et al, 2021).
Како да го користите?
Сирењето лесно се вклучува во различни комбинации:
- во сендвичи за на училиште и на работа,
- во салати и омлети,
- Како дел од лесна вечера или ужинка,
- во вегетаријански рецепти како извор на квалитетни протеини.
Со новото протеинско сирење President Salakis Traditional, секој оброк е чекор поблиску до здравјето и благосостојбата на целото семејство.
Користена литература:
- EFSA Journal. (2012). Scientific Opinion on Dietary Reference Values for protein. EFSA Journal. 10(2):2557
- Leidy H.J. et al. (2007). Higher Protein Intake Preserves Lean Mass and Satiety with Weight Loss in Pre-obese and Obese Women. Obesity (Silver Spring). 15(5), стр. 1215–1225
- Appel L.J. et al. (1997). A clinical trial of the effects of dietary patterns on blood pressure. New England Journal of Medicine. 336:1117–1124
- Sacks F.M. et al. (1999). A dietary approach to prevent hypertension: a review of the Dietary Approaches to Stop Hypertension (DASH) Study. Clin Cardiol. 22(7 Suppl):III6-10
- Suchy F.J. et al. (2010). NIH Consensus Development Conference Statement: Lactose Intolerance and Health. Annals of Internal Medicine. 152(12):792–6
- Sharp E. et al. (2021). Effects of lactose-free and low-lactose dairy on symptoms of gastrointestinal health: A systematic review. International Dairy Journal, Volume 114. 104936
- Leidy H.J. et al (2015). The role of protein in weight loss and maintenance. American Journal of Clinical Nutrition, 101(6):1320S-1329S.
- Paddon-Jones D., Westman E., Mattes R.D., Wolfe R.R., Astrup A., Westerterp-Plantenga M. (2008). Protein, weight management, and satiety. American Journal of Clinical Nutrition, 87(5):1558S-1561S.
Антонио Велковски
Магистер по нутриционизам и науки за храна