И покрај тоа што првиот постер за новото филмско продолжение на „Сексот и градот“ предизвика реакции за преголемата употреба на корекции на фотографијата од Сара Џесика Паркер, ни вториот не остана лишен од дигитална обработка.
Новиот постер ги покажува четирите главни ликови, но тешко дека ја доловува нивната природна убавина.
Лицето на Сара Џесика Паркер е коригирано до таков степен што таа личи на барбика. А Ким Катрал тешко би ја познале ако не беа до неа другите три хероини.
Постер за „Сексот и градот 2“
Навистина ретуширањето може да придонесе за разубавување на славните личности, но во некои случаи како овој повеќе изнудува негативни коментари, отколку воодушевување.