Свадбите не се ниту лесни, ниту евтини за организирање. Џереми и Рејчел набрзо го сфатиле тоа откако започнале да ги планираат деталите околу својата свадбена церемонија. Па, наместо традиционална прослава, двајцата авантуристи решиле да заминат на патување во Исланд, каде планирале да се венчаат.
Пред да трепнат, Рејчел и Џереми биле подготвени за патување.
Во Исланд посетиле прекрасни места – глечери, водопади, планини – за да го пронајдат идеалното место за да се заколнат на вечна љубов.
Младенците си го кажале судбоносното „да“ сред рушевини од стара црква, кои успеале да преживеат вулканска ерупција. Лавата го имала обиколено местото, но не и уништено. Тие знаеле дека таму треба да започне нивниот брак.
На најинтимен можен начин, парот се заколнал на вечна љубов.
Фотографиите се направени од Трој Мот, кој младенците го ангажирале за да ги овековечи нивните специјални моменти.
