„Пред 4 месеци ми кажаа дека имам леукемија“: Апел за помош на 7-годишната Викторија

Мало девојче со енормна желба за долг и нормален живот има потреба од поддршка во најтешките мигови.

Викторија Костадинова се бори со леукемија, а нејзиното семејство не е во можност да ги покрие трошоците околу нејзиното лекување во Турција, па повеќе од добредојдена е секоја финансиска помош.

На страницата на GoFundMe, стои порака од девојчето од Гевгелија: „Пред 4 месеци ми кажаа дека имам леукемија. Од хемотерапиите, за жал, имам компликации и мора да ме носат во Турција да ми трансплантираат коскена срцевина. Лекувањето е мноогу пари 70.000 евра и мама и тато се тажни дека не се во можност да ги обезбедат. Но јас ги тешам дека има многу добри и хумани луѓе кои ќе донираат за мене.“