„Празнина како вулканска дупка“: Сестрата на Душко Чифлиганец се врати на местото каде тој загина една година по неговата смрт

Празна мото-патека и венец од бели, сини и црвени цветови... Една година по смртта на Душко Чифлиганец, неговата сестра Драгана се врати на местото на кобната несреќа која прерано му го заврши животот.

Заедно со фотографијата од патеката во Брно, таа сподели и потресни зборови кои покажуваат дека и по една година, тагата во неговото семејство не стивнува.
 

2.08.2025-14.10.25сек Празнина како вулканска дупка. Болка за која никогаш не можев ни да помислам дека ќе ја доживеам. Наместо празник – тага до крајот на животот.

Помина една година, а болката не стивнува само е поголема од ден на ден. Недостигаш во секој ден, во секој здив и во секој момент.

Те сакам бескрајно #tomandjerryforever 💙🖤

Душко Чифлиганец загина како последица на повредите од мото-несреќа во Брно, Чешка.

Како заменик-претседател на групацијата „Адора“ и директор на „Adora Living Solutions“, беше активен во семејниот бизнис. Надвор од деловниот свет, беше препознатлив по својата голема страст кон моторите, која со години ја претвораше во сериозен спортски ангажман. Пред трагичната смрт, тој се едуцираше и живееше во Дубаи.

Пријателите и познаниците и денес зборуваат за неговата непосредност, насмевката која ретко ја симнувал од лицето и подготвеноста секому да подаде рака.