Празнична магија во Париз: Џиновската новогодишна елка во Galeries Lafayette е како од бајка

Што би била празничната сезона без новогодишна елка?

Galeries Lafayette во Париз повторно ја разбуди еуфоријата кај своите посетители со огромната елка која секоја година добива нов, уникатен лик. 

Џиновската новогодишна елка го украсува централниот простор на парискиот трговски центар и е сместена под иконската купола за да го шири празничниот дух. Висока 16 метри, елката сега е украсена со илустрациите на уметницата Жан Деталанте и е „обвиена со раскошни ленти, како најубавиот подарок“.

Деталанте ги претвори излозите на трговскиот центар во вистинско волшепство со сите симболи на оваа празнична сезона.