Позира со старите пријатели, носи фустан од 3.000 евра... Северина во сино на прослава за 35 години од матурата

Поминаа точно 35 години откако Северина матурираше во Сплит.

53-годишната пејачка присуствуваше на матурската прослава на генерацијата 1989/90 од гимназијата „Натко Нодило“, одржана на терасата на хотелот „Амфора“. Атрактивната Хрватка шармираше во стајлинг од над 8.000 евра. Синиот фустан од Dries Van Noten чини околу 3.000 евра, додека нејзината чантичка од Dior е 5.000 евра.

Северина позираше со старите пријатели и со професорите кои придонесоа да биде личноста којашто е денес.

Паралелно со гимназијата, музичарката го посетувала и Средното музичко училиште „Јосип Хаце“, но последната година не ја завршила, бидејќи заминала на турнеја во Австралија.

„На 35 години од матурата, професорот Владо Сунко ми рече: ‘Се сеќавам дека се врати од Австралија и ме праша дали да ја полагаш последната година, бидејќи те викаа во Загреб да снимаш албум, на што ти одговорив: Оди сонце, снимај албум, тој е твојот пат’. Мајка ми тогаш не беше среќна, но сега е горда“ – рекла Северина.