Поставувањето на „валвула во валвула“ во Клиника Жан Митрев овој пат беше изведено кај 78 годишен пациент во тешка општа состојба со проширено и ослабено срце и чести декомпнзации. Овој пациент веќе еднаш опериран во 2014 година и честопати хоспитализиран поради болест на митралната валвула, сега беше реопериран од АНГИО тимот и му беше направена минимална левострана торакотомија, трансапикален пристап на пулсирачко срце, валв ин валв имплантиранње на биолошка валвула на митрална позиција со користење на Мај Валв (Мерил) биолошка протеза која се користи за транскатетер замена на аортна валвула (ТАВИ – процедури).
По интервенција пациентот е во стабилна општа состојба и се подготвува за да го продолжи опоравувањето во домашни услови.
Ова е веќе втор пат да биде изведен ваков зафат во Клиника Жан Митрев и оттаму на пациентот му посакуваат брзо закрепнување.