Лионел Меси и Антонела Рокуцо се среќни родители. Славниот пар му посака добредојде на овој свет на своето трето дете.
30-годишниот фудбалер и неговата сопруга добија уште едно синче кое ќе се вика Чиро. Убавата вест ја соопшти Меси со фотографија на која бебенцето со малото раче го држи за прстот.
„Добредојде Чиро. Му благодарам на Бог што сè помина во најдобар ред. Мама и бебето се добри. Пресреќни сме!!!“ – напиша тој.
Меси и Антоанела стапија во брак во јули минатата година. Тие се познавале од мали нозе, бидејќи Антоанела е братучетка на најдобриот другар на Лионел од детството, а официјално објавија дека се во врска во јануари 2009 година.
Меси и Рокуцо се родители и на Тијаго (роден во ноември 2012 година) и Матео (роден септември 2015).
Веста за третата бременост парот ја сподели со слатка фотографија на која сите го галат трудничкото стомаче на Антоанела.
