Повеќе не ја кријат врската: Џенифер Анистон ја објави првата фотографија со новиот дечко на Instagram
Џенифер Анистон ја направи врската со Џим Кертис официјална.
56-годишната ѕвезда од „Пријатели“ ја објави првата фотографија со новиот дечко на Instagram. На неа, таа го прегрнува Кертис, кој вчера го славеше својот 50-ти роденден.
„Среќен роденден, љубов моја“ – напиша таа.
„50 и се чувствувам одлично! Резиме од роденденот, прв дел. Ви благодарам за сите желби и за љубовта. Благодарен сум за вас, за моите пријатели, семејството и заедницата“ – напиша Џим со описот на својот албум.
Анистон поттикна гласини дека е во врска со познатиот хипнотизер во јули, кога беа фотографирани на јахта на Мајорка. Оттогаш, тие повеќепати се фотографирани заедно од папараците.
Ова е првиот љубовен партнер со кого Анистон се појавува во јавност по нејзиниот развод од Џастин Теру во 2018 година. Претходно, таа беше во брак со Бред Пит.
