Последно збогум со Владо Јаневски: Погребот ќе се одржи на 1 јули на Градските гробишта во Бутел

Авалон Продукција, пренесувајќи ја пораката од семејството на Владо Јаневски, ја извести јавноста за деталите околу последното испраќање.

Сите почитувачи, пријатели и соработници кои сакаат да му оддадат последна почит и да се збогуваат со Владо, ќе можат да го сторат тоа оваа среда (1 јули):

Почитувани,

Добивме информација од семејството на Владо Јаневски и презедовме обврска истата да ја споделиме со пошироката јавност.

Сите кои ќе сакаат да се збогуваат со Владо за последен пат, ќе можат тоа да го направат во капелата на Градските гробишта во Бутел во среда (1 јули) во периодот од 10 до 11 часот.

Погребот ќе следи веднаш потоа, на гробиштата во Бутел.