Снимка од крштевање на бебе во Москва предизвика бурни реакции на социјалните мрежи, откако шокирана мајка јавно сподели дека е бесна од начинот на кој бил изведен обредот.
Наместо спокој и благослов, таа сведочи за непријатно искуство кое и денес ѝ предизвикува грижа на совест.
Додека ја прегледувам видеоснимката од крштевањето на моето дете, срцето ми се стега од болка и жалење. Овој важен верски обред се претвори во извор на длабоки вознемирувања. Ме мачат мисли како сум дозволила свештеникот така грубо да се однесува со моето бебе?! – напиша мајката и го сподели видеото.
Најголемиот дел од интернет корисниците ја поддржаа мајката и го осудија грубото однесување на свештеникот.
„Боже, на крајот го фрли на пелената како парче месо… кутрото бебе цело се затресе… Кажете, дали и со другите деца правеше вака?“, „Мене ме крстија на 4 години, се сеќавам на сè и тоа ми е траума за цел живот. Тоа што се гледа на видеото е ужас“, „Ме потресе видеото“, „Најстрашно е како го зема детето, како го потопува и вади, воопшто не размислува дека може да го повреди“ – се само дел од коментарите.
Но, има и такви кои сметаат дека станува збор за вообичаена практика и е традиционален православен обред при кој бебињата целосно се потопуваат во вода, што според нив симболизира прочистување и нов духовен почеток.