Џенифер Лопез и Алекс Родригез и официјално се разделија.
Парот објави дека ја раскина свршувачката. „Сфативме дека подобри сме како пријатели. Ќе продолжиме да работиме заедно и да се поддржуваме на нашите заеднички бизниси и проекти. Си посакуваме сè најдобро еден на друг и на нашите деца. Од почит кон нив, единствениот друг коментар кој ќе го кажеме е да им се заблагодариме на сите кои испратија убави зборови и поддршка“ - стои во нивното соопштение за јавноста.
51-годишната актерка и пејачка и 45-годишниот поранешен спортист се свршија на Бахамите во 2019 година, по двегодишна врска. Тие планираа да стапат во брак, но пандемијата со коронавирусот двапати ја одложи реализацијата на свадбата.
