„Подготвени сме за нашето мало чудо“: Емилија Мицевска со вереникот во трудничка фотосесија пред породувањето

Емилија Мицевска со нетрпение го очекува своето прво дете.

Бремената актерка од Драмски театар позираше со вереникот Деан Стојковски за трудничка фотосесија пред породувањето. На фотографиите, идниот татко нежно ја бакнува саканата и нејзиното големо стомаче во кое е нивното мало чудо.

„Подготвени сме да го запознаеме нашето мало чудо“ – стои во описот на фотографиите направени од Ерина Богоева.

Среќната трудница и нејзиниот вереник Деан очекуваат синче кое ќе се вика Давид. Парот се вери на крајот од јануари оваа година.

Во интервју за Фемина, Емилија сподели дека патот до мајчинството не бил едноставен и дека има доживеано неколку спонтани абортуси.

„Поминав низ период кога медицинските прогнози беа скептични во однос на мојата можност да станам мајка. Зад мене стојат неколку спонтани абортуси и хируршка интервенција. Буквално ми беше кажано дека нема шанси и дека тешко ќе може да останам бремена“ – ни откри Емилија.