Почина „Супер бабичка“: Гудрун Уре замина во легендите на 98-годишна возраст

Дали ја паметите „Супер бабичка“, која во детството нè забавуваше на малите екрани?

Гудрун Уре, која во хит-серијата беше позната како бабичка со супермоќи, го напушти овој свет на 98-годишна возраст. Шкотската актерка починала во својот дом во Лондон, а веста за нејзината смрт ја потврди внуката Кејт Мекнил.

„Имаше многу препознатлив глас. Се сеќавам дека мојот сопруг една вечер гледаше ‘Casualty’ и јас веднаш реков дека тоа е Гудрун само што го слушнав гласот“ – рекла таа.

Уре е родена на 12 март 1926 година, а зад себе имаше 50-годишна актерска кариера. Најзапаметена ќе остане по улогата во „Супер бабичка“, детска серија која се снимаше од 1985 до 1987 година, а беше хит во 90-тите години на минатиот век.

#OnThisDay 1926: Gudrun Ure was born in Milton of Campsie, Scotland.
In 1987, the actress best known as the eponymous star of ITV's Super Gran spoke to It's Wicked presenters Jake Abraham and Carolyn Marshall, before displaying some of her super strength. pic.twitter.com/lztmjhCzrg

— BBC Archive (@BBCArchive) March 12, 2023