Модниот свет изгуби уште една икона. Почина францускиот дизајнер Тиери Муглер.
Славниот креатор почина на 73-годишна возраст.
Веста ја споделија од неговиот тим. „Со огромно жалење објавуваме дека почина господин Тиери Муглер во недела, на 23 јануари 2022 година. Нека почива во мир неговата душа“ – напишаа тие.
Бројни негови соработнички споделија пораки за да се збогуваат со „Богот на модата“.
Ирина Шајк во изминатите години многу често соработуваше со Тиери и беше една од неговите музи. На Instagram, таа сподели заеднички фотографии заедно со порака. „Си замина прерано. Бог на модата, ретко РЕАЛЕН, љубезен, сладок... секогаш ќе ѝ недостигаш на твојата Русинка“ – напиша таа.
Дајана Рос, која носеше многу креации од Муглер во 80-тите и 90-тите години, сподели стара фотографија со Муглер и напиша: „Ќе ни недостигаш Тиери Муглер. Ова беше прекрасно време во нашите животи“.
I will miss you Thierry Mugler this was a wonderful time in our lives pic.twitter.com/Z3ggaVjK2D
— Ms. Ross (@DianaRoss) January 24, 2022
Бијонсе на својот сајт напиша: „Почивај во мир Тиери Муглер“.
Кортни Кардашијан сподели фотографија од нејзиното семејство и напиша: „Сите носиме Муглер“, а потоа додаде скршено срце.
Џорџија Меј Џегер сподели фотографии од соработките со дизајнерот со порака: „Сè уште не можам да поверувам дека ова е вистина. Испраќам љубов до сите. Тиери беше сила на креативност и љубезност“.
Бела Хадид, Вини Харлоу, Хајди Клум и други модели исто така изразија жалење за смртта на Тиери.
