„National Geographic“ ги прогласи победниците во натпреварот за најдобри фотографии за 2013 година. Повеќе од 7.000 фотографии направени од аматери и професионалци од 150 земји во светот беа пријавени во три категории – луѓе, места и природа.
Добитник на главната награда и победник во категоријата „Природа“
Поларна мечка под површината на водата во Хадсоновиот залив, Канада
Други фотографии кои се истакнаа во категоријата „Природа“
Големи бели чапји на Дунав во Унгарија
Носорог во зоолошка градина во Торонто, Канада
Гнездо. Враните во Токио често за своите гнезда користат закачалки за облека бидејќи немаат природен материјал поради отсуството на зелени површини во големиот град.
Победник во категоријата „Места“
Мајка го носи своето дете во кошница, движејќи се низ магла рано наутро во Кина.
Други фотографии кои се истакнаа во категоријата „Места“
Бикови се сончаат на празна плажа во Андалузија, Шпанија.
Прекрасната глетка е фотографирана во Нов Јужен Велс, Австралија. Млечно зелената вода е природен феномен предизвикан од електромагнетската активност од молњите кои ја „удираат“ површината на водата.
Победник во категоријата „Луѓе“
Портрет на идентичните близнаци Нилс и Емил. Фотографијата е дел од серијал кој прикажува луѓе со силна врска помеѓу себе.
Други фотографии кои се истакнаа во категоријата „Луѓе“
Арабик е родена во Њујорк. Но, бидејќи сега има 13 години, нејзиниот татко ја пратил кај семејството во мал град во Гамбија. Таа живее без струја и работи секој ден. Арабик е единствената личност со пасош од САД во малото гратче, но не може да го користи поради семејна традиција.
Портрет од девојката на фотографот во нејзиниот автомобил.
Лаурентиу во топлиот дом во близина на железничка станица во Белгија. Семејството на малото дете секојдневно се соочува со најразлични проблеми кои произлегуваат од сиромаштијата.
7-годишната Ида во Орхус, Данска. Ида е родена во Гренланд, но нејзината мајка одлучила да се преселат во Данска со цел да имаат подобар живот.
Момче си игра со балони покрај река во Дака, Бангладеш, додека околу него има облаци од чад од запалено ѓубре.