„Победи страшна болест, но не плаче, туку среќен е и по цел ден се смее“: 3-годишниот Реџеп го победи ракот
Кога ќе заѕвони ѕвончето на Детската клиника во Скопје, тоа значи дека уште еден мал херој победи страшна болест. Овојпат тоа е 3-годишниот Реџеп.
„Реџеп има само три години и може слободно да се пофали дека ги направил трите најважни работи во животот !
1. Не плаче, туку среќен е и по цел ден се смее!
2. Победи страшна болест, па здрав по цел ден игра!
3. Храбар е и може светот да го сврти наопачки.
Да си жив и здрав Реџеп и само напред!“ – пишуваат од здружението за поддршка на деца болни од рак „САНО“ во описот на видеото.
Септември е месец за подигнување на свеста за ракот кај децата.