По три спонтани абортуси... Мајка сподели фотографии од трите бебиња сред шприцови од ин витрото со кое беа зачнати
Мајка сподели фотографии и видео на кои нејзините три бебиња лежат сред шприцовите од ин витро постапката со која беа зачнати.
Шелби Стјуарт ја сподели својата приказна за да им даде надеж на сите кои се борат со неплодност и да им порача дека не сами.
Шелби и нејзиниот сопруг имале една мала ќеркичка кога одлучиле да го прошират семејството. Сепак, не одело сè по план.
Имено, на Шелби ѝ бил дијагностициран не-Хочкин лимфом на 15-годишна возраст и еден месец подоцна започнала со хемотерапии. Веста дека забременувањето ќе ѝ биде голем предизвик ја добила на прагот од полнолетството.
„Кога имав 18 години го прашав онкологот дали мојот третман ќе влијае на тоа дали ќе имам деца. Таа ми објасни дека хемотерапијата која ми беше дадена го уништува репродуктивниот систем и дека најверојатно ќе влезам во менопауза во моите 20-ти години“ – објаснила таа.
На 20 години, по направените испитувања, доктор ѝ соопштил на Шелби дека нема да може да има деца. Три години подоцна, таа стапила во брак и со сопругот повторно направиле испитувања кои покажале дека има надеж за бременост.
По две години обиди за зачнување и две инсеминации, конечно слушнале прекрасна вест – на пат било нивното чудо, ќеркичката Бенет.
„Бебето кое никогаш не требаше да го имам конечно ми беше во рацете и сум благодарна што можев да ја носам 9 месеци“ – рекла таа и додала дека на почетокот не кажувала никому за предизвиците со кои се соочувале како пар.
„Нашето патување низ неплодноста го чувавме во тајност. Се срамев од тоа. Потоа се чувствував виновно поради срамот. Како можев да бидам вознемирена за неплодноста кога преживеав рак? Откако забременив, одлучив дека молчењето те изолира. Премногу е токсично при неплодност. Започнав да го споделувам нашето патување и без вчудовидена колку луѓе околу мене се борат со истото и се чувствуваат осамено. Најдов многу сила во мојата приказна само со тоа што ја споделив“.
„Знаев дека имам само кратко време за да забременам повторно. По 6 месеци се вративме кај докторот“ – раскажала Шелби.
По пет неуспешни инсеминации, докторот им препорачал ин витро оплодување.
За жал, парот поминал низ три спонтани абортуси пред да ја добие тројката.
Сега, пресреќната мајка споделува како изгледа животот со четири мали деца и не крие дека нивната љубов им е најголемиот благослов.
