По бурниот развод со Кијара Ферањи: Федез го доби третото дете и ги објави првите фотографии со бебето
Две години по разводот со Кијара Ферањи, Федез го доби своето трето дете со новата девојка Џулија Хонегер.
23-годишната дизајнерка пред четири дена го роди нивниот син Едоардо Лупо во болницата „Сан Рафаеле“ во Милано.
Италијанскиот рапер на Instagram ги сподели првите фотографии направени во болницата на кои позира со бебето и со насмеаната Џулија. Во описот напиша: „Толку многу радост.“
За Џулија ова е прво дете, додека Федез веќе е татко на Лео и Виторија, кои ги доби во бракот со популарната модна блогерка.
Љубовната приказна на Федез и Џулија започна во летото 2025 година, а во април годинава објавија дека очекуваат принова.
За разлика од неговиот претходен брак, кој беше постојано под лупа на јавноста и детално документиран на социјалните мрежи, Федез и Џулија од самиот почеток ја чуваат својата врска далеку од медиумите.
Раѓањето на бебенцето следи по еден од најтурбулентните периоди во животот на раперот – разводот со Кијара кој беше проследен со бројни шпекулации, а подоцна и со јавни обвинувања од нејзина страна.
Ферањи тврдеше дека Федез ја изневерувал со години и дека аферата започнала уште во 2017 година, пред нивната свадба. Таа откри дека непосредно пред венчавката тој размислувал да се откаже од бракот, но сепак се оженил поради притисокот од јавноста. Таа напиша дека со години се обидувала да го зачува семејството, додека зад нејзиниот грб се случувале работи за кои не знаела.
Иако разводот беше еден од најкоментираните во Италија, сега и двајцата продолжија понатаму. Кијара неодамна и официјално ја потврди новата љубовна врска со Хозе Ернандез.