„Пијан“ сладолед од кокос во домашни корнети

Домашните сладоледи се идеален летен десерт, а кога се послужени во домашни корнети, се неодолив деликатес.

Состојки за сладоледот

Подготовка на сладоледот

1. Изматете ја слатката павлака, а потоа додајте го прво јогуртот, па пунчот.
2. Во смесата ставете ги и кокосовите трошки и измешајте со лажица.
3. Можете воопшто да не употребите шеќер, но ако сакате посладок сладолед, додајте шеќер по вкус.

Состојки за корнетите

Подготовка на корнетите

1. Изматете го шеќерот со путерот. Додајте ги белките, па брашното и екстрактот од ванила. Добро изматете.
2. Во плех за печење ставете со лажица од смесата на неколку места и измазнете за да добиете кругови. Внимавајте да не ги поставувате премногу блиску еден до друг за да не се залепат. (Со набројаните состојки излегуваат 10 корнети, најдобро е да ги печете на два пати, по пет во плех.)
3. Печете 5 минути на температура од 175°С, односно додека не заруменат. Во овој момент изгледаат како мали палачинки.
4. Откако ќе фатат малку кора на краевите, реагирајте брзо – Со шпатула вадете ги и ставајте ги во мали длабоки садови за да добијат форма. Штом ќе се зацврстат, извадете ги од садовите и во нив ставете од сладоледот. Декорирајте по желба.