Пиеја вино од годината кога се роди, славеа на плажа... Кендал Џенер направи тајна забава за 30-тиот роденден

Кендал Џенер зачекори во четвртата деценија од животот.

Убавата манекенка го прослави својот 30-ти роденден со спектакуларна забава на плажа, опкружена со семејството и најблиските пријатели.

Тајната роденденска прослава се одржа во понеделникот, а присутни беа нејзината мајка Крис Џенер и сестрите Ким, Клои и Кајли, како и нејзините пријатели Хејли и Џастин Бибер, кои споделија фотографии на кои си разменуваат нежности. Гостите блескаа во стајлинзи со неутрални и пастелни тонови, додека славеничката избра свилена комбинација во розово-беж нијанси.

На песокот беше поставена голема инсталација со сребрени балони „Happy Birthday Kendall“, пред која најблиските позираа за фотографии кои ги споделија на Instagram.

Гостите уживаа во текила од брендот на славеничката, 818 Tequila, но и во луксузно француско црвено вино Château Haut-Brion од 1995 година – годината кога е родена Кендал. Шишето, вредно речиси 600 долари, беше посебен момент на вечерта.