People: Крис Хемсворт е најсекси маж за 2014 година

Крис Хемсворт официјално е најсекси маж за 2014 година. Списанието „People“ му ја додели титулата на 31-годишниот актер кој освојува обожаватели со улогата на супер херој во филмовите „The Avengers“, а кој наскоро ќе го видиме како хакер во „Blackhat“.

Згодниот Австралиец, кој е во брак со шпанската актерка Елза Патаки, изјавил дека неговата нова титула е извор на многу шеги со сопругата и двајцата браќа. „Мислам дека ми дадовте право неколку недели да се фалам низ дома. Можам да ѝ велам: сега запомни, вака мислат луѓето, па не треба да мијам чинии повеќе, не морам да менувам пелени. Јас сум над сето тоа. Сега успеав“ – рекол тој во интервју за списанието.

Хемсворт изјавил и дека негова голема желба е да поминува што повеќе време во неговиот дом во Австралија со сопругата и трите мали деца.

Крис Хемсворт и Елза Патаки

Минатата година титулата „најсекси маж“ ја доби Адам Левин, а претходни носители се и Ченинг Тејтум, Бредли Купер, Рајан Рејнолдс, Бред Пит, Џони Деп, Хју Џекман, Џорџ Клуни и Ричард Гир.

Погледнете го изборот на списанието во изминативе години: