Пред неколку дена стана јасно дека Русија ќе биде претставувана на Евровизија од Јулија Самоилова, девојка која не дозволува хендикепот да ја спречи да си ги оствари соништата.

27-годишната пејачка е во инвалидска количка уште од своето детство, бидејќи поради спинална мускулна атрофија таа ја има изгубено способноста да се движи. Во 2013 година, Јулија го освои второто место во шоуто „Фактор А“, руска верзија на „The X Factor“, а во 2014 година таа учествуваше во церемонијата на отворањето на Зимската Параолимпијада.

Годинава, Самоилова ќе ја претставува својата татковина на Евровизија со песната „Flame Is Burning“ во втората полуфинална вечер на 11 мај во Киев.

Видео од „Flame Is Burning“