Со месеци во странските медиуми се шпекулираше дека Роберт Патинсон и неговата колешка Кристен Стјуарт ја пренесоа нивната романса од екранот во реалноста, но ниту еден од двајцата никогаш немаше признаено за тоа.
Кристен Стјуарт и Роберт Патинсон на снимањето на „Eclipse“
На доделувањето на БАФТА наградите, Роберт Патинсон за прв пат призна дека е во врска со Кристен.
23-годишниот актер, познат по улогата на вампирот Едвард Кулен, изјавил: „Многу е тешко, но сме заедно. Не можеме да пристигнуваме во исто време заради обожавателите. Станува лудница. Ова требаше да биде јавно појавување како пар, но е невозможно. Мораме да го правиме ова за да го избегнеме вниманието“.
Гласините дека „Едвард“ и „Бела“ се во врска во реалниот живот започнаа уште за време на снимањето на првиот филм „Самрак“, кон крајот на 2008 година.