Хуман пар се откажа од голема свадбена прослава за да им даде на сириски бегалци шанса за нов подобар живот.
Додека Саманта Џексон и Фарзин Јусефијан ја планирале својата свадба, во медиумите се појавија фотографии од мртвото тело на 3-годишниот Ајлан Курди, кој го загуби животот во обид да избега со родителите од својата татковина Сирија.
Откако ја слушнале приказната за Ајлан, Саманта и Фарзин не можеле да седат со скрстени раце. Тие ја откажале својата свадба и одлучиле сите средства од неа да ги донираат за да им помогнат на бегалци.
„Сфативме дека сите пари кои требаше да ги вложиме во нашата свадба би биле подобро искористени кога би му ја дале втората шанса која ја заслужува на семејство бегалци од Сирија“ – рекла Саманта.
Младенците им се јавиле на гостите кои требало да присуствуваат на свадбата и им рекле да ги донираат парите кои планирале да ги потрошат за подарок. „Веднаш им се јавивме на нашите семејства и тие беа екстатични. Не можеме да бидеме пасивни набљудувачи на оваа криза“ – рекол Фарзин.
Три недели откако ја откажале свадбата, Саманта и Фарзин стапиле во брак на мала прослава во кафуле, собир кој бил за добротворни цели. Парот досега има собрано 22.000 долари.
