Енди и Пиер се вљубиле еден во друг пред појавата на КОВИД-19, а ги споила љубовта кон патувањата. Младите авантуристи и не дозволуваат пандемијата да ги спречи да патуваат, како и да создаваат прекрасни фотографии на различни дестинации од светот.
Енди е фотографка, а Пиер е пилот, па нивните Instagram профили изобилуваат со фотографии кои ја будат желбата за патување. Двајцата потекнуваат од различни краеви на светот – таа е од Австрија, а тој од САД – но, се запознале на групно патување и оттогаш заедно имаат посетено многу држави.
Пандемијата накратко ги прекинала нивните планови.
„Иако отидовме на групно патување како туѓинци, не ни требаше долго време за да се заљубиме еден во друг. Да бидам прецизен, 10 дена. По кратко време, непожелен гостин одлучи да се насели меѓу нас. Неговото име е КОВИД-19. Најпрво мислевме дека вирусот е шега. Други пандемии во поновата историја секогаш биле кратки и локализирани. Но, очигледно згрешивме“ – пишува Пиер.
Сепак, ништо не може да ја потисне љубовта. И покрај забраните за патување, Пиер нашол начин како да стигне до Австрија кај неговата сакана.
„Не можам да ви го опишам олеснувањето кое го почувствував кога се видовме. Сите лоши вести, сите пречки, сите патешествија... ништо не можеше да нè спречи“ – пишува Пиер, кој посетил 20 земји во време на пандемија.
Оттогаш, парот непрекинато патува и посетува прекрасни дестинации. Во моментов, тие престојуваат на Кариби.
На сајтот на Пиер можат да се најдат совети за безбедно патување во време на пандемија
