Пригответе освежително слатко изненадување од кое сите ќе посакаат уште едно парче.
Состојки
| 400 гр | пишкоти |
За филот | |
| 400 мл | ладно млеко |
| 4 | жолчки |
| 5 лажици | шеќер |
| 1 кесичка | пудинг од ванила |
| 100 гр | бело чоколадо |
| 500 мл | слатка павлака |
| 1 кесичка | желатин или шлаг фикс |
| 2 кесички | ванилин шеќер |
За овошниот дел | |
| половина килограм | блендирано овошје по желба, јас искористив јагоди |
| 60 гр | путер |
| 2 лажици | густин |
Подготовка
- Жолчките и пудингот со ванилиниот шеќер се соединуваат во 100 мл ладно млеко.
- Остатокот од млекото се вари со шеќерот. При крајот на варењето се трга од оган и се меша 1-2 минути со претходно приготвената смеса.
- Во измешаната топла смеса се додава белото чоколадо. Се покрива со фолија за да не фати кора и се остава да се лади.
- Слатката павлака се мати со миксер, а во неа се додава желатин или шлаг фикс.
- Откако ќе се олади приготвениот фил се меша со изматената слатка павлака.
- За овошниот дел, во изблендираните јагоди додајте пенесто изматен путер и густинот. (Друга алтернатива е јагодите да провријат во вода со шеќер. Потоа се процедуваат и се блендираат, а во водата се додава прво густинот, па на крај и путерот.)
- Странично пишкотите се редат така што ќе им се исече врвот во зависност од висината на тавчето.
- Долниот дел се реди со пишкоти. Се полеваат пишкотите со малку млеко, колку да омекнат.
- Над слојот со пишкоти прво се става бел фил, потоа овошен, и на крај повторно бел.
- За украсување ставив јагоди, малини и капини, плус прелеав со бело чоколадо за да биде подекоративно.
Рецептот е на форумџиката @Mama25, која доби најмногу гласови во кулинарскиот натпревар „Фемина готвач – Тема: Овошен десерт“.