Принцезата Кетрин и принцот Вилијам со малите деца присуствуваат на денешната церемонија за крунисување на Чарлс III и неговата сопруга Камила.
На свеченоста во Вестминистерската опатија, Кетрин привлекува погледи со кралска елеганција. 41-годишната припадничка на британското кралско семејство носи фустан од Александар Меквин, модната куќа која беше задолжена за многу нејзини стајлинзи низ годините, меѓу кои и за нејзината венчаница.
На нејзината облека се извезени цветните симболи на четирите нации на Обединетото кралство.
Аутфитот на Кетрин вклучува и накит со сентиментална вредност и цветно венче којешто е соработка помеѓу Александар Меквин и Џес Колет.
Обетките со бисери и дијаманти ѝ припаѓаа на покојната принцеза Дијана, додека огрлицата е изработена во 1950 година по нарачка на Кралот Џорџ VI за неговата ќерка, односно за кралицата Елизабета II.
И Кетрин и Вилијам носат церемонијални наметки.
