Осаменото момче со ангелски глас од Прилеп во друштво на Лозано, му подари насмевки и самодоверба

Осаменото момче со ангелски глас од Прилеп доживеа момент кој ќе го памети цел живот.

Димитар Иваноски се сретна со Влатко Лозаноски – Лозано и заедно со него ја пееше песната „Километри“.

Приказна за Димитар, кој е слеп 96% и поради тоа често останува сам за време на училишните одмори, одекна во јавноста откако неговата тетка Алексеа ја сподели на социјалните мрежи. 

Лозано не дозволи  13-годишниот тинејџер да биде несреќен и се сретна со него за да му подари насмевка и нова доза самодоверба.

Алексеа сподели видео од овој сладок момент и напиша:

Драга Марија Костуранова, од срце Благодариме за овој прекрасен гест, ова што го направивте за Димитер е многу повеќе отколку што може да се опиши со зборови. Му подаривте насмевка, радост и самодоверба што долго ќе ја носи со себе. Благодарност и до Влатко Лозаноски што одвои време и му го разубави денот. Ваквите моменти се паметат цел живот.   

Насмевката на лицето на Димитар е јасен доказ дека некогаш е потребно само малку внимание за да се врати самодовербата и да се усреќи некого.