Оливија Вајлд со слатка фотографија со синчето објави дека е повторно бремена

Оливија Вајлд и нејзиниот свршеник Џејсон Судејкис го очекуваат своето второ дете.

32-годишната актерка ја објави среќната вест на Instagram со слатка фотографија со 2-годишното синче Отис. На неа, Оливија си го држи трудничкото стомаче, а малото момче ја имитира со широка насмевка на лицето. „Складни труднички стомаци“ – напиша Вајлд во описот.

Познатата холивудска ѕвезда во моментов е на Хаваи со семејството, каде нејзиниот сакан го промовира новиот анимиран филм „The Angry Birds Movie“.

Познатите актери се во врска од ноември 2011 година, а се свршија во јануари 2013 година. Парот го доби првото дете на 20 април 2014 година.