Оливер Драгојевиќ ја изгуби битката со рак на белите дробови. 70-годишниот пејач почина утрово во болница во Сплит.
Познатиот музичар пред една година соопшти дека му било пронајдено туморно ткиво, по што започна со примање на хемотерапија.
Во октомври минатата година, Драгојевиќ повторно запеа на сцената за своите фанови. За време на настапот, тој покажа дека ја изгубил косата поради хемотерапијата.
„Деновите ги поминувам дома, каде свирам и пеам. Знаете, наутро станувам, ја земам гитарата и започнувам да свирам, и така по цел ден. Не ми е тешко, гледам на тоа како на една рекреација“ - изјавил тој на почетокот на годината.
Во чест на Оливер, да се потсетиме на едни од неговите најголеми хитови.