Официјалните фотографии од свадбата на синот на Џон Бон Џови и актерката Мили Боби Браун во Италија

Мили Боби Браун и Џејк Бонџови ги објавија официјалните фотографии од тајната свадба која ја направија во мај оваа година.

Парот, кој како своја свадбена дестинација ја избра вилата „Cetinale“ во Италија, сподели со фановите дел од свадбениот албум.

20-годишната актерка носеше прекрасна венчаница со чипка од Галија Лахав, додека зетот избра костум од Том Форд. На фотографиите, младенците си ги кажуваат заветите, си го разменуваат првиот бакнеж пред олтарот, позираат во раскошна градина и се забавуваат.

„Секогаш и засекогаш, твоја сопруга“ – напиша Мили.

Парот го венча славниот актер Метју Модин. На една од фотографиите, младоженецот позира со својот славен татко Џон Бон Џови.

Камила Боник се погрижила за планирањето на свадбата, а фотографиите се дело на Сандра фон Рикоф.

Подоцна, Мили се пресоблече во нова венчаница од Оскар де ла Рента.

Мили и Џејк се заедно од 2021 година, а се верија во април минатата година.