Ѕвездата од „Stranger Things“ Мили Боби Браун се вери на 19 години со синот на Џон Бон Џови

Мили Боби Браун го прифати предлогот за брак на Џејк Бонџови.

19-годишната ѕвезда од серијата „Stranger Things“ ја објави веста за свршувачката со фотографија на Instagram.

На неа, Мили и синот на Џон Бон Џови позираат прегрнати, а славната актерка го покажува блескавиот прстен на раката.

„Те сакам веќе три лета, душо, ги сакам сите“ - стои во описот на постот, а во коментарите пристигнуваат честитки од сите страни.

„Засекогаш“ - напиша Џејк на заедничките фотографии на Instagram.

Мили ја откри врската со Џејк пред јавноста во јуни 2021 година.