Белата куќа го објави првиот официјален портрет на Меланија Трамп како прва дама на САД.
На фотографијата, 46-годишната сопруга на Доналд Трамп носи црно сако, а на нејзината лева рака блеска нејзиниот свршенички прстен со дијамант од 25 карати.
Меланија и нејзиниот син Барон се очекува да се преселат во Белата куќа по завршувањето на школската година. Засега тие живеат во Њујорк, за што добија многу критики, бидејќи се троши огромна сума за нивно обезбедување.
И дамите кои претходно стоеја на позицијата прва дама (Мишел Обама, Хилари Клинтон и Лора Буш) беа облечени во црно за своите први портрети во Белата куќа.
