Отсекогаш сакав да возам, мечтаев за сопствен автомобил за да ги следам моите планови (и да ги менувам во последен момент) без да чекам некого, без објаснувања и компромиси.
Но, купувањето кола ми изгледаше како грандиозна одлука и секогаш имав изговори „Има време“ или „Ќе почекам подобар момент“. Сега сфаќам дека совршениот момент никогаш не доаѓа ако ти не го создадеш. И можеби токму затоа овој автомобил е моја мала внатрешна револуција. Гласен сигнал дека најпосле си се ставив на прво место со акцент дека заслужувам нешто големо, значајно.
Надворешно ништо не се промени, но станав поодлучна, поинформирана и поподготвена да си ја исполнам желбата што тивко се распламтуваше во мене со години додека низ град ги гледав жените како самоуверено возат и си мислев: „Еден ден и јас така“.
А еве ги клучните моменти што ме доведоа до „ДА, ајде сега“, т.е. мојата највозбудлива одлука досега.
Осознав дека за осамостојување и созревање најпотребна е храброст
Со времето научив дека за некои животни одлуки не ти треба ничие одобрување, туку мал импулс одвнатре. Едноставно повеќе не сакаш да одложуваш, ниту да чекаш „подобри времиња“. Купувањето автомобил е симбол на зрелост, на увереност дека можеш да ги држиш и воланот и животот во свои раце. А за тоа најмногу е потребна храброст, која не мора да биде гласна. Понекогаш е изразена само преку тивок потпис на договор во автосалон, додека во тебе одекнува мислата: „Да, ова го заслужувам.“
Сакам да остварувам планови, не само да сонувам
Предолго моите соништа беа само мисли напишани во тефтер: викенд во Преспа, патување до Солун, спонтано бегство на винска тура во Тиквеш. Но, животот не се живее во планови, туку на пат.
Сакам да се движам кон моите визии, не да стојам во место додека тие ми се лизгаат низ умот. Сакам да почувствувам дека секој километар ме носи поблиску до моја замисла. Автомобилот е алатка за слобода. А оваа есен сум решена моите соништа конечно да имаат четири тркала.
Животот е покул кога имаш свој ритам (и музика по твој вкус на радио)
Сите имаме свои мали ритуали, но автомобилот додава нешто посебно во тој микс – чувство дека секој ден може да биде мало патување, мала авантура. Животот не мора да биде трка, но кога го возиш во свој ритам и со музика по твој избор, секоја дестинација изгледа поблиску.
Пронајдов паметен и сигурен начин да си овозможам автомобил
Долго време мислев дека купувањето автомобил е далечен, скап сон. Денес знам дека е остварливо, кога имаш солиден план и поддршка. Со промотивниот потрошувачки кредит на Халкбанк, со фиксна каматна стапка и јасни услови, оваа идеја веќе не е само сон и стана реален проект со датум.
Сигурноста дека можам да планирам средства дури до 2.500.000 денари, ми даде слобода да одлучам со насмевка. И сега сум уверена дека оваа есен ќе ја паметам по чувството на клучеви од автомобил во рака.
Сакам да живеам по свој распоред, не по туѓ
Во свет полн со туѓи агенди, автомобилот може да биде мало бегство. Сама одлучувам кога тргнувам, каде одам, колку останувам. И кога еднаш ќе го искусиш тоа, нема враќање назад. Тоа чувство е бесценето.
Не ми се верува дека ситно одбројувам до влегувањето во автомобил со регистарски таблици кои ќе ги помнам засекогаш... А ако сте тргнале на истиот пат, можеби новиот промотивен потрошувачки кредит на Халкбанк ќе ви биде најголем сојузник.