По сончевиот одмор во Египет, Сара Мејс се врати на музичката сцена и му се приклучи на караванот „Силно светнал ден“, кој патува низ Македонија по повод 35-годишнината од независноста на земјата.
Македонската харфистка беше дел од музичко-сценскиот спектакл кој се одржа на платото Гумење во Крушево. По Охрид, Битола и Велес, токму градот под Бушева Планина беше следната станица на големиот проект кој ги обединува музиката, глумата и танцот.
За настапот, Сара избра впечатлива креација со розови и бели пердуви со која внесе доза на гламур.
Пред да излезе на сцената, 35-годишната пејачка направи и неколку фотографии во зеленилото на Крушево, при што интензивната розова нијанса на нејзиниот фустан уште повеќе дојде до израз.
„Силно светнал ден“ е дел од одбележувањето на 35 години од независноста на Македонија, а караванот продолжува да патува низ повеќе македонски градови.