Од бебе до момче: Северина со приватни снимки од синот Александар му го честиташе роденденот
За Северина ова е посебен ден.
Синот на хрватската пејачка, Александар, денес полни 14 години. По тој повод, таа на социјалните мрежи сподели емотивно видео составено од снимки од неговото растење, почнувајќи од бебешките денови па сè до денес.
Објавата беше проследена со песната „Rođeno moje“, која му е посветена токму нему. Во описот Северина напиша емотивна порака во која истакна колку мајчинската љубов е безусловна и силна.
Четиринаесет години… откако првпат вдиша, а јас првпат сфатив колку срцето може да сака. Поминав низ бури само за да те прегрнам и низ тишини во кои одекнуваше само твоето име. И сè би направила повторно.
Кога настана оваа песна, ти не го познаваше светот толку добро како јас… И се надевам дека никогаш нема ни да го познаваш… Среќен 14-ти роденден, сине мој… ❤️ - напиша таа.
Северина со години водеше битка со поранешниот сопруг Милан Поповиќ за старателството над Александар. Во 2018 година, судот донесе неправедна одлука да ѝ биде одземено целосното старателство, а детето половина од времето да поминува со Милан. Северина веднаш мораше да го предаде синот на татко му, но не се откажа, туку ја продолжи својата битка и на крајот победи.
Минатата година, на концертот во Сплит, Северина рече:
„Сега песна за најважниот маж во мојот живот. Неговото срце чукаше под моето. Повеќепати се обидоа да ми го одземат, но по 12 години борба – мојот син живее со мене.“
