Новогодишната треска станува сè посилна и сите чувствуваме притисок да изгледаме најубаво што можеме за најлудата ноќ во годината.
Фризурата е многу важна за целосниот изглед и особено за првиот впечаток. Убавата фризура веднаш ги примамува погледите кон лицето и многу кажува за имиџот. Затоа, потребно е да внимавате во изборот на фризура, исто колку и во изборот на облеката.
Како што ја избирате облеката според вашето тело, така за новогодишната ноќ најдобро е да си изберете фризура која одговара на формата на вашето лице и неговите карактеристики. За момент заборавете на модните трендови и фокусирајте се на вашите желби и потреби. Сообразете ја фризурата и со стилот на облекување.
Новогодишната ноќ е една од ретките ноќи во кои секој си дозволува да експериментира, па ако имате природна виткана коса, изненадете ги околните со идеално права коса, а ако имате права коса, направете си елегантни брановидни или романтични поситни локни. Сè е во вашите раце и не треба да се ограничувате.
Се надеваме дека наредните слики ќе ви дадат идеја како да го украсите вашето лице со помош на фризурата.
Елегантни и префинети
Гламурозни и заводливи
Романтични и женствени
Забавни и слободни
ТОП 10 „славни“ фризури за 2009
Ако сè уште не добивте идеја каква фризура да имате за новогодишната вечер, погледнете кои фризури списанието Instyle ги избра како дел од својата листа на топ 10 најдобри фризури за забава за 2009. Можеби вашата фризура се крие точно таму.
Дел од фризурите се едноставни и лесно можете да ги направите дома, но други пак сакаат допир од професионална рака.
Ако немате време за фризер или едноставно сакате сами да се приготвите, еве две практични и брзи фризури кои можете да ги „украдете“.