Новак и Јелена Ѓоковиќ станаа родители. Убавата Србинка донела на свет здраво машко бебе.
„Се роди Стефан, нашето бебе ангел! Многу сум горд на мојата убава сопруга Јелена! Ви благодарам многу за вашата љубов и поддршка. Ве сакаме сите!!!“ – напиша Новак на Facebook.
Според српските медиуми, семејството и пријателите на Ѓоковиќ бурно го прославиле раѓањето на првото дете на популарниот пар.
Славниот тенисер и неговата девојка се свршија минатата година во Монте Карло по осумгодишна врска, а во април годинава објавија дека ќе станат родители. Среќниот пар ја круниса својата љубов со брак во јули. Свадбената церемонија се одржа на бајковитиот остров Свети Стефан во Црна Гора.
