Најновите податоци од Институтот за јавно здравје покажуваат дека во нашата држава има 35 новозаболени од КОВИД-19.
По градови, новозаразените од коронавирус се од:
- Скопје - 22
- Тетово - 6
- Куманово - 4
- Штип - 1
- Гостивар - 1
- Струга - 1
Во изминатото деноноќие, направени се вкупно 1.120 тестови со кои се потврдени и 19 оздравени лица и тоа од Скопје (8), Куманово (3), Прилеп (2), Битола (2), Неготино (2), Велес (1), Тетово (1).
Тажна вест е што починаа уште 5 лица како последица на КОВИД-19. На Клиниката за инфективни болести и фебрилни состојби почина пациент од Скопје (69г) хоспитализиран на 15 мај. Во ГОБ „8 септември“ почина пациент од Струга (70г) примен во болницата на 17 мај и двајца од Скопје, пациент на возраст од 70 години, примен на 28 мај и 47-годишен пациент на болничко лекување од 21 мај. Во денешниот извештај на ИЈЗ е евидентирано и бебето од Скопје кое, на барање на родителите, со авион беше транспортирано во Швајцарија каде починало. Бебето беше хоспитализирано на Детската клиника и имаше позитивен резултат на КОВИД-19.
Вкупниот број на позитивни на КОВИД-19 во нашата држава достигна 2.164, оздравени се 1.535, активни случаи се 498, а бројот на починати е 131.
Претседателот Стево Пендаровски попладнево објави дека вонредната состојба ќе се продолжи во следните 14 дена.