Нов рекорд: 1.511 новозаразени и 32 смртни случаи од коронавирус, а починаа и две млади родилки
Третиот бран на пандемијата со коронавирусот не стивнува во нашата држава. Денес имаме рекорден број на новозаболени, а јавноста ја потресе и веста за смртта на две млади родилки како последица на КОВИД-19.
33-годишна мајка од Делчево го родила своето второ дете со царски рез, но не се изборила со вирусот. Била примена на 10 март со висока температура, ниска сатурација и кашлица и веќе следниот ден, била породена.
Нејзиното бебе во добра здравствена состојба било испишано од ГАК, а таа продолжила со лекувањето во „8 Септември“. За жал, исходот бил фатален за мајката.
32-годишна скопјанка, бремена со второто дете, била породена на ГАК со царски рез во 30-тата недела од бременоста. Само неколку часа по породувањето, била препратена на интензивно лекување на КАРИЛ, каде починала.
Нејзината новородена ќеркичка е примена на Одделот за интензивна нега на ГАК и се бори за живот на респиратор.
Министерството за здравство објави дека во изминатото деноноќие направени се 4.445 тестирања, а има 1.511 новоинфицирани со новиот коронавирус SARS-CoV-2.
Според местото на живеење, новозаболените со КОВИД-19 се од:
- Скопје 654
- Прилеп 64
- Куманово 116
- Тетово 56
- Гостивар 55
- Велес 68
- Кавадарци 44
- Битола 86
- Штип 44
- Охрид 44
- Струмица 38
- Струга 11
- Кочани 15
- Кичево 25
- Неготино 22
- Гевгелија 35
- Свети Николе 11
- Крива Паланка 9
- Ресен 9
- Радовиш 15
- Дебар 11
- Делчево 2
- Берово 11
- Пробиштип 14
- Виница 11
- Валандово 10
- Крушево 2
- Богданци 7
- Демир Капија 2
- Кратово 4
- Демир Хисар 1
- Македонски Брод 4
- Пехчево 3
- Македонска Каменица 5
- Дојран 3
Пријавени се вкупно 32 починати лица: 13 од Скопје (84г, 83г, 77г, 75г, 73г, 68г, 66г, 64г, 63г, 63г, 51г ,42г и 41г), по 2 пациенти од Прилеп (79г и 68г), Куманово (70г и 61г), Гостивар (72г и 69г), Кавадарци (88г и 49г), Штип (84г и 79г), Струмица (86г и 80г) и Неготино (81г и 67г), а по еден пациент е пријавен од Велес (70г), Охрид (79г), Струга (72г), Гевгелија (58г) и Делчево (33г).
Регистрирани се и 587 оздравени лица и тоа:
- Скопје 316
- Прилеп 31
- Куманово 26
- Тетово 22
- Гостивар 17
- Велес 23
- Кавадарци 18
- Битола 18
- Штип 13
- Охрид 2
- Струмица 13
- Кочани 5
- Кичево 5
- Неготино 14
- Гевгелија 13
- Свети Николе 3
- Крива Паланка 8
- Ресен 5
- Радовиш 2
- Делчево 1
- Берово 6
- Пробиштип 5
- Виница 2
- Валандово 2
- Крушево 6
- Богданци 3
- Демир Капија 2
- Демир Хисар 3
- Македонски Брод 3
Вкупната бројка на КОВИД-дијагностицирани лица во нашата земја од почетокот на епидемијата изнесува 130.022, бројката на оздравени пациенти е 106.979, на починати е 3.781, а бројот на активни случаи изнесува 19.262.