Носталгија за детството: Играчката Чибичан која беше хит во 90-тите години повторно во продажба

Добра вест за љубителите на Чибичан или Тамагочи – играчката со дигитален миленик која беше хит во 90-тите години.

Јапонската компанија за производство на играчки „Bandai“, повторно го лансираше „џебниот миленик“, во чест на 20-годишнината од првото пуштање во продажба. Дизајнот е ист, но двојно помал од оригиналот.

Играта се состои во задоволување на потребите и барањата на избраното милениче – хранење, бањање, шетање, спиење... Сето тоа мора да биде извршено навремено, бидејќи доколку го заборавите може да се разболи и ќе настапи негова „виртуелна смрт“.

Играчката сега се продава по оригиналната цена од околу 17 долари.

Тамагочи го измисли Аки Маита, за што доби ИгНобелова награда за економија. ИгНобеловата награда е пародија на Нобеловата награда и се доделува секоја година на десет научни достигнувања кои најпрво ги тераат луѓето на смеа, а потоа и на размислување.

Аки дошла до идејата кога видела реклама од дете кое плаче бидејќи, не можело да го земе со себе домашното милениче во училиште.