Марина Ангеловска, сестрата на познатата претприемачка и поранешна министерка за финансии Нина Ангеловска, ја круниса љубовта со својот долгогодишен партнер Вилијан Монев.
Големата прослава се одржа во винаријата Камник, точно еден месец откако парот официјално склучи граѓански брак во Амстердам каде живее и успешно работи повеќе од една деценија. По интимниот чин во холандската метропола, младенците одлучија својата радост да ја споделат на елегантна прослава со семејството и најблиските пријатели во Скопје.
Невестата блескаше во софистицирана, минималистичка бела венчаница од сатен, која совршено ја следеше линијата на телото, а зетот се одлучи за безвременска класика, носејќи елегантен црн смокинг надополнет со пеперутка-машна.
Меѓу највпечатливите и највеселите гости на свадбата беше сестрата на невестата, Нина Ангеловска. За специјалната пригода, таа избра гламурозна креација со потпис на македонската дизајнерка Моника Коцарева.
На веселбата, Нина уживаше во ведро расположение придружувана од нејзиниот сопруг, д-р Виктор Станков.
Нина деновиве е посветена на промовирањето на нејзината прва книга „Ништо случајно“.